The Auld Farmers New-Year-Morning Saluta（3 / 4）

  an' gar't them whaizle:
  nae whip nor spur, but just a wattle
  o' saugh or hazel.
  thou was a noble fittie-lan',
  as e'er in tug or tow was drawn!
  aft thee an' i, in aught hours' gaun,
  in guid march-weather,
  hae turn'd sax rood beside our han',
  for days thegither.
  thou never braing't, an' fetch't, an' fliskit;
  but thy auld tail thou wad hae whiskit,
  an' spread abreed thy weel-fill'd brisket,
  wi' pith an' power;
  till sprittie knowes wad rair't an' riskit
  an' slypet owre.
  when frosts lay lang, an' snaws were deep,
  an' threaten'd labour back to keep,
  i gied thy cog a wee bit heap
  aboon the timmer:
  i ken'd my maggie wad na sleep,
  for that, or simmer.
  in cart or car thou never reestit;
  the steyest brae thou wad hae fac't it;
  thou never lap, an' sten't, and breastit,
  then stood to blaw;
  but just thy step a wee thing hastit,
  thou snoov't awa.
  my pleugh is now thy bairn-time a',
  four gallant brutes as e'er did draw;
  forbye sax mae i've sell't awa, ↑返回顶部↑